सशस्त्र–प्रहरीको संयुक्त टोलीले ६१ ग्राम खैरो हेरोइन सहित पक्राउ गर्‍यो स्थानीय बिक्रेता

नेपाल प्रहरी र सशस्त्र प्रहरी बलको संयुक्त टोलीले कपिलवस्तुको जगदिशपुर क्षेत्रलाई आधार बनाएर लागूऔषध खैरो हेरोइन (ब्राउन सुगर) को विक्री वितरणगर्दै आएका खुद्रा बिक्रेतालाई पक्राउ गरेको छ । 

सुरक्षा फौजको संयुक्त टोलीले सोमबार राती सुठौली भन्सार कार्यालय अगाडीबाट पैदल आउदै गरेका दिपचन्द्र सिंहलाई पक्राउ गरेको हो ।

सिंहले लगाएको कालो ज्याकेटको दायाँ खल्तिमा प्लास्टिक भित्र लुकाई छिपाई राखिएको अवस्थामा ६१ ग्राम १८० मिलिग्राम लागु औषध बरामद भएको हो । उनलाई हिरासतमा लिएर थप अनुसन्धान भइरहेको जिल्ला प्रहरी कार्यालय कपिलवस्तुले जनाएको छ ।