राजदूत अधिकारी र संयोजक तरिनबीच भेटवार्ता

नेपाल-पाकिस्तान संसदीय मैत्री समूहका संयोजक सरदार मोहम्मद इरार तरिन र पाकिस्तानका लागि नेपाली राजदूत तपस अधिकारीबीच बिहीबार भेटवार्ता भएको छ । 

भेटका क्रममा दुवै देशबीचको सम्बन्ध थप सुदृढ बनाउँन विभिन्न क्षेत्रमा सहयोग आदान प्रदान गर्नुपर्नेमा जोड दिइएको थियो ।

संयोजक तरिनले नेपाल संस्कृतिक र प्राकृतिक सम्पदामा धनी रहेको उल्लेख गर्दै पाकिस्तानमा नजरमा नेपाल महत्वपूर्ण देश रहेको र दुबैदेशका जनता-जनताबीचको सम्बन्ध एकदमै राम्रो रहेको बताए थिए ।

यस्तै नेपाली राजदूत अधिकारीले दुबै देशको सम्बन्ध थप बलियो बनाउँन शिक्षा, पर्यटन, स्वास्थ्य, सांस्कृतिक तथा आर्थिक क्षेत्रमा उच्चस्तरीय आदानप्रदान आवश्यक रहेकोमा जोड दिनुभएको थियो ।