कर्णाली प्रदेश प्रहरीको रुकुममा अप्रेसन, बरामद भयो १२ किलो अफिम सहित २ पक्राउ

रुकुम (पश्चिम), आठबिसकोट नगरपालिका–९ राडीबजारबाट १२ केजी अवैध लागूऔषध अफिम सहित २ जनालाई शुक्रबार बिहान प्रहरीले पक्राउ गरेको छ । 
पक्राउ पर्नेहरुमा आठबिसकोट नगरपालिका-९ राडीबजार डेरा गरी बस्ने जाजरकोट नलगाड नगरपालिका–८ घर भएका ४६ वर्षीय माल बहादुर सिंह र सोही नगरपालिका–९ बस्ने ६० वर्षीय काली बहादुर सिंह रहेका छन् ।  

कर्णाली प्रदेश प्रहरी कार्यालय सुर्खेत, लागूऔषध नियन्त्रण ब्यूरो सुर्खेत, जिल्ला प्रहरी कार्यालय रुकुम (पश्चिम) र ईलाका प्रहरी कार्यालय आठबिसकोटबाट खटिएको संयुक्त प्रहरी टोलीले उनीहरु बसेको कोठा तलासी गर्दा उक्त परिमाणको लागूऔषध फेला पारी उनीहरूलाई पक्राउ गरेको हो ।