मुख्य समाचार
ललितपुर इमाडोलबाट चोरी भएको ट्रक एक महिनापछि नवलपरासीमा भेटियो
-
पर्दाफास रिपोर्टर
- कार्तिक २८, २०७७
प्रहरीले ललितपुरको इमाडोल खरीबोटबाट करिब एकमहिना अघि चोरी भएको ट्रक नवलपरासीमा फेला पारेको छ ।
महानगरीय प्रहरी प्रभाग इमाडोलले २७ असोजमा हराएको ट्रक बिहीवार गाडीधनी लक्ष्मण श्रेष्ठलाई हस्तानान्तरण गरेको हो ।
प्रभाग प्रमुख प्रहरी निरीक्षक विजय तिमिलसीनाका अनुसार २७ असोजको राती रोकिराखेको महिन्द्राको मिनि ट्रिपर अज्ञात समुहले चोरी गरेको थियो । गाडी धनी श्रेष्ठले दिएको जाहेरीपछि प्रभागले यसको जानकारी देशभरका प्रहरी इकाईमा गरेको थियो ।
‘इप्रका सेमरी, पश्चिम नवलपरासीबाट हामीले टिपाएको विवरण र नम्बरको ट्रक बेवारिसे रहेको जानकारीपछि यहाँ ल्याएका हौं,’ प्रनि तिमिलसीनाले पर्दाफाससँग भने । उनका अनुसार प्रभागबाट खटिएका दुई प्रहरी अधिकारीलाई थप अनुसन्धानका साथै ट्रक ल्याउन नवलपरासी पठाइएको थियो ।
बा ३ ख ८१९४ नम्बरको ट्रकलाई चोरी गर्ने समुहले अगाडीको आठ नम्बर मेटेर बा ३ ख १९४ बनाएर चलाएक थिए । कसले चोरी गरेर नवलपरासी लगेको थियो भन्ने बिषयमा अनुसन्धान भइरहेको प्रभागले जनाएको छ ।
प्रतिक्रिया
सम्बन्धित समाचार
Flash News: एकतर्फी मायामा रहेका चिकित्सकले सूचना दिएर गरे आत्महत्याकाे प्रयास, यसरी भयाे उद्वार
ललितपुर प्रहरीले आत्महत्याका लागि विभिन्न थरिका आैषधी ओभरडाेज सेवन गरेर छटपटाई रहेका एकजना चिकित्सककाे मंगलबार मध्यराती उद्वार गरेकाे छ। उनकाे उपचार भइरहेकाे प्रहरीले जन...
कार्तिक २८, २०७७
रोग निको हुने भन्दै युवा फसाउदैं गरेका ओरियन्सका तीन एजेन्ट म्याग्दीमा पक्राउ
प्रहरीले पीरामिड शैलीको अवैध ब्यवसाय भारतीय ओरियन्स ग्लोबल मार्केटिङ प्रालीका तीन एजेन्टलाई बेनीबजारबाट पक्राउ गरेको छ ।
कार्तिक २८, २०७७
एसपी बस्नेत र यादव घूस लिएकाे आराेपमा निलम्बित, एसएसपीकाे नेतृत्वमा थप अनुसन्धान हुँदै
गृह मन्त्रालयले एसपी बिमल बस्नेत र रामेश्वर यादवलाई निलम्बन गरेर थप अनुसन्धानका लागि निर्देशन दिएकाे छ ।
कार्तिक २८, २०७७
मुख्य समाचार
.jpg)
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit