काठमाडौं मेयरकी उम्मेदवार सिर्जना सिंहलाई आरजु राणाको साथ 

काठमाडौं महानगरपालिकाको मेयरमा उम्मेदवारी मनोनयन दर्ता गराएकी सिर्जना सिंहलाई प्रधानमन्त्री पत्नी आरजु राणा देउवाले जितको लागि अग्रिम शुभकामना दिएकी छिन् । 

स्थानीय तहको निर्वाचनमा काठमाडौं महानगरपालिकाको गठबन्धनको तर्फबाट मेयरमा उम्मेदवारी दिएकी सिंहलाई राणाले जितको लागि अग्रिम शुभकामना दिएकी हुन् । 

मंगलबार काठमाडौंमा आयोजित महिला भेटघाट कार्यक्रममा राणाले राणाले महिला नेतृत्वबाट नै अब महानगरको मुहार फेर्न सकिने बताइन् । कार्यक्रममा काठमाडौं महानगरपालिकाकी उपमेयर हरिप्रभा खड्गीले अब महिलाबाटै विकास सम्भव रहेको बताइन् ।

उनले काठमाडौं महानगरको नेतृत्वको लागि सिंहले दिएको उम्मेदवारीबाट हरेक काठमाडौंवासी महिला खुशी भएको र अब महिलाका समस्या समाधान हुनेमा विश्वस्त भएको बताइन् । 

काठमाडौंका सबै वडाका महिलाले मंगलबार एक कार्यक्रम आयोजना गरी महानगरको नेतृत्वका लागि उम्मदेवारी दिएकी सिंहलाई अग्रिम जितको शुभकामना प्रकट गरेका हुन् । मेयरकी उम्मेदवार सिंह नेता प्रकाशमान सिंहकी पत्नी हुन् ।