प्रहरीले आफ्नै श्रीमती हत्याको आरोपमा दुईजनालाई पक्राउ गरेको छ। प्रहरीले दिएको जानकारीअनुसार पक्राउ पर्नेमध्ये एकजना सिरहा लाहान
नगरपालिका–७ का ४२ वर्षीय प्रवीन चौधरी छन् ।
उनी काठमाडौंको बुढानीलकण्ठ नगरपालिका–१० कपन आकाशे धारानजिक डेरामा बस्दै आएका थिए।
उनीमाथि आफ्नै ३० वर्षीया श्रीमती अस्मिता चौधरीको हत्या गरेको आरोप छ ।
उनले आफ्नै श्रीमतीलाई सुतिरहेको अवस्थामा शरीरमा तारपिन तेल खन्याई आगो लगाइदिएका थिए । स्थानीयले घाइते अवस्थामा फेला पारी सुस्मा मेमोरियल अस्पताल साँखु लगे पनि उनको मृत्यु भएको थियो ।
आइतबार नै श्रीमती हत्याकै आरोपमा मकवानपुर बकैया गाउँपालिका–५ तीनतले बस्ने भारत मध्य प्रदेश भुपाल घर भएका ३० वर्षीय पवन सोनी पक्राउ परेका छन् । उनीमाथि आफ्नै श्रीमती २८ वर्षीया दिया शर्माको हत्या गरेको आरोप छ ।
उनले घरायसी विवादको कारण सुत्ने कोठामा घाँटी थिची हत्या गरेको प्रहरीले बताएको छ ।
त्यस्तै प्रहरीले कर्तव्य ज्यान मुद्दामा संलग्न रहेको आरोपमा तीनजनालाई पक्राउ गरेको छ ।
पक्राउ पर्नेमा शुक्लागण्डकी नगरपालिका–१०का विमल सुनार, सोही नगरपालिका ८ नं वडाका सुशील विक र सोही नगरपालिका–३ बस्ने होम बहादुर विक रहेका छन् ।
उनीहरुमाथि शुक्लागण्डकी नगरपालिका–५ का विशाल भण्डारीको हत्याको आरोप छ ।
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit