बेलायतले युक्रेनबाट दूतावासका कर्मचारीलाई फिर्ता गर्ने

विदेशी, राष्ट्रमण्डल विकास कार्यालय (एफसीडिओ) ले रुसबाट बढ्दो खतराको प्रतिक्रियास्वरूप बेलायती दूतावासका केही कर्मचारी र आश्रितहरूलाई कीभबाट फिर्ता गर्ने निर्णय गरेको बेलायतको यात्रा सल्लाहकारले एक विज्ञप्तिमा जनाएका छन् ।

बेलायती दूतावास खुला रहनेछ र युक्रेनमा रहेका बेलायती नागरिकहरूलाई कन्सुलर सहयोग र समर्थन प्रदान गर्ने लगायतका आवश्यक कामहरू जारी राख्नेछ । एफसीडिओले युक्रेनमा रहेका बेलायती नागरिकहरूलाई पनि त्यहाँ आफ्नो उपस्थिति दर्ता गर्न अनुरोध गरेको छ ।

युक्रेनमा आतङ्कवादी हमलालाई नकार्न सकिँदैन र मानिसहरूलाई होसियार रहन आग्रह गरिएको सल्लाहकारको विज्ञप्तिमा थपिएको छ ।

मार्च २०२१ को अन्त्यदेखि, युक्रेनको पूर्वी सिमाना नजिक  गैरकानूनी रूपमा क्रिमियामा रूसी सैन्य उपस्थिति रहेको छ । नोभेम्बर २०२१ को शुरुदेखि नै रूस र युक्रेनबीच बढेको तनावको महत्त्वपूर्ण मिडिया कभरेज भएको सल्लाहकारले बताएका छन् । 

युक्रेनको कुनै पनि ठाउँमा नवीकरण गरिएको सैन्य कारबाहीले कन्सुलर समर्थन प्रदान गर्ने ब्रिटिश दूतावास कीभको क्षमतालाई ठूलो मात्रामा कम गर्ने पनि बताएका छन् ।