खजुराको सडक किनारबाट साढे १० किलो अफिम सहित पक्राउ परे जाजरकोटका तिकबहादुर शाही

लागू औषध नियन्त्रण ब्यूरोको नेपालगञ्ज स्यालाइटले  १० किलो ४०० ग्राम अफिम सहित जाजरकोट जुनीचाँदेका तिलकबहादुर शाहीलाई बिहीबार पक्राउ गरेको छ । 

ब्युरोको नेपालगञ्ज स्टालाइटले  लागू पदार्थको कारोवार भईरहेको छ भन्ने बिशेष सूचनाको आधारमा लागू औषध नियन्त्रण व्यूरो कोटेश्‍वर समेतबाट खटिएको संयुक्त टोलीले बाँके खजुरा गाउँपालिका–८ रनियापुरस्थित सडक किनारामा दाहिने हातमा रातो रंगको झोला बोकी बसीरहेको अवस्थामा शाहीलाई पक्राउ गरेको हो । 

शाहीले बोकेको झोला भित्र सेतो प्लाष्टिकका ११ वटा पोका बनाई राखिएको अवैध लागू औषध अफिम १० किलो ४०० ग्राम बरामद भएको हो ।

उनलाई थप अनुसन्धान तथा कारवाहीको लागि जिल्ला प्रहरी कार्यालय बाँकेमा बुझाईएको ब्यूरोले जनाएको छ  ।