१० किलोको हात्तिको दाह्रा सहित बाँकेबाट एकजना पक्राउ 

बाँके प्रहरीले २९ ईन्च लामो र १० किलो तौल भएको हात्तिको दाह्रासहित एकजनालाई नियन्त्रणमा लिएको छ । 

प्रहरीले वैजनाथ गाउँपालिका–२ तिलकपुरका पूर्णबहादुर थारुलाई नियन्त्रणमा लिएको हो । उनले घरको पछाडी रहेको मन्दिर परिसरसंगै रहेको कोठाको शौचालयको सेफ्टी ट्यांकी छेउमा निलो प्लाष्टिकले बेरेर बोराभित्र दाह्रा लुकाएका थिए । 

जिल्ला प्रहरी कार्यालय बाँकेका अनुसार थारुले वन्यजन्तुको कारोबार गर्ने गरेको भन्ने सूचनाको आधारमा बुधरबा उनको घर खानतलासी गरिएको थियो । उनलाई आवश्यक कारवाहीका लागि जिल्ला बन कार्यालय बाँके नेपालगंजमा पठाइएको प्रहरीले जनाएको छ ।