झापामा २५ ग्राम ब्राउनसुगरसहित ३ जना पक्राउ

लागूऔषध कारोबारमा संलग्न ३ जनालाई आइतबार झापा प्रहरीले पक्राउ गरेको छ । पक्राउ पर्नेमा  झापा गौरादह नगरपालिका–३ का २७ वर्षीय लक्ष्मण दास, १९ वर्षीय राम शाह र दमक नगरपालिका–१ का ३२ वर्षीय देवेन्द्र राई छन् । 

दास र शाहको साथबाट २३ ग्राम २०० मिलिग्राम र राईको साथबाट २ ग्राम ब्राउन सुगर जस्तो देखिने खैरो रङ्गको लिसाईलो पदार्थ बरामद गरिएको जिल्ला प्रहरी कार्यालय झापाका डीएसपी राकेश थापाले जानकारी दिए ।

प्रहरीका अनुसार राईले आफ्नै घरबाट ब्राउनसुगरको कारोबार गर्दै आएका थिए । पक्रा परेकाहरुको साथबाट ४ हजार नगद, मोबाइल र मे ७ प ९०८१ नं. को मोटरसाईकल पनि बरामद भइरहेको र उनीहरुलाई ईलाका प्रहरी कार्यालय दमकमा राखी आवश्यक अनुसन्धान भइरहेको प्रहरीले जनाएको छ ।