भीम रावललाई प्रधानमन्त्रीको कटाक्ष– तपाईं कुन पार्टीको हो मैले सोध्नु नपरोस्

प्रधानमन्त्री केपी शर्मा ओलीले नेता भीम रावललाई आफ्नो पार्टी कुन हो भन्ने कुरा सर्वोच्च अदालतलाई सोध्न जान जवाफ दिएका छन् । सोमबार राजधानीमा आयोजित एक कार्यक्रममा प्रधानमन्त्री ओलीले आफ्नो पार्टीबारे अदालतको फैसलाले टुंगो लगाइदिएको बताएका हुन् ।

‘मैले सोध्न नपरोस् तपाईं कुन पार्टीको हो ? मलाई त उहाँहरूले नेकपाको साधारण सदस्यबाट पनि निष्कासन गर्नु भएको थियो । म नेकपाको साधारण सदस्य पनि होइन । अदालतले भन्यो म कुन पार्टीको सदस्य र अध्यक्ष हो,’ प्रधानमन्त्री ओलीले भने ।

आइतबारको प्रतिनिधि सभा बैठकमा बोल्दै सांसद भीम रावलले प्रधानमन्त्री ओलीको पार्टी कुन हो भनेर प्रश्न सोधेका थिए । सोही प्रसंगमा प्रधानमन्त्री ओलीले जवाफ दिएका हुन् । 

प्रधानमन्त्री ओलीले भने, ‘मैले उहाँहरुलाई सोध्न नपरोस्, तपाईं कुन पार्टीको हो ?’ उनले पहिलो प्रतिनिधिसभा बैठक नै स्थगित गरिएकोमा पनि व्यंग्य गरे ।

‘मुद्दा मामिला गरेर संसद पुनःस्थापना किन ग¥या रैछ त भन्दा उफ्रिन नाराबाजी गर्ने रैछ । कम्तीमा मेरो मेख मार्न भए पनि पहिलो बैठक राम्ररी चल्न दिनुपर्छ,’ उनले भने ।