युएईका राजदूतद्वारा परराष्ट्रमन्त्री खड्का र नेता यादवसँग भेटवार्ता

नेपालका लागि युएईका राजदूत साहिद हमदान अल नक्वीले परराष्ट्रमन्त्री नारायण खड्कासँग भेटवार्ता गरेकाछन् । राजदूत नक्वीले आज मन्त्रालयमा पुगी मन्त्री खड्कासँग भेट गरेका हुन् । 

भेटको क्रममा दुई पक्षीको हित र सम्बन्धका बारेमा छलफल भएको थियो । सो अवसरमा राजदूत नक्वीले राजना शेख अब्दुलाह विन जायद अल नाहयानको उपहार पनि मन्त्री खड्कालाई हस्तान्तरण गरेका थिए । 

यस्तै, आज नै राजदूत नक्वीले जनता समाजवादी पार्टी (जसपा)का अध्यक्ष उपेन्द्र यादवसँग पनि भेटवार्ता गरेका छन् । सो क्रममा दुई पक्षीय सहकार्यबारे छलफल भएको नेपालस्थित युएई दूतावासले जनाएको छ ।