प्रधानमन्त्री देउवा र अमेरिकी सहायक विदेशमन्त्री डोनाल्ड लुबीच बालुवाटारमा भेटवार्ता

प्रधानमन्त्री शेरबहादुर देउवा र अमेरिकी सहायक विदेशमन्त्री डोनाल्ड लुबीच प्रधानमन्त्री निवास बालुवाटारमा भेटवार्ता भएको छ । 

आज भएको यस भेटवार्तामा २ देशबीच आपसी सम्बन्ध र सहयोगका विषयमा छलफल भएको छ । साथै प्रधानमन्त्री देउवाले जलवायु परिवर्तनका कारण नेपालले भोगेका समस्या समाधानका लागि अमेरिकी सहयोगको अपेक्षा पनि गरेको बताएका छन् ।

नेपालमा कोभिडले निम्त्याएको समस्या, कोभिडपछिको आर्थिक अवस्था र कोरोनाविरुद्धको खोपको सहयोगलगायतका विषयमा प्रधानमन्त्री देउवा र लुबीच कुराकानी भएको छ । साथै अमेरिकी सहायक विदेशमन्त्री लुले अमेरिकाले नेपाललाई निरन्तर सहयोग गर्ने बताएको प्रधानमन्त्री कार्यलयले जानकारी दिएको छ ।