कैलालीमा नेपाल प्रवेश गरेका दुई जना भारतीय प्रहरीलाई नियन्त्रणमा लिइएको छ । उनीहरुले चलाएको गाडीले मोटरसाइकललाई ठक्कर दिएपछि नियन्त्रणमा लिइएको हो ।
हरियाणामा कार्यरत उनीहरु बिहीबार नेपाल प्रवेश गरेका थिए । प्रहरी हवल्दार सुनिल कुमार र प्रहरी जवान सतेन्द्र कुमारले चलाएको एचआर ३१ पीअ८७७९ नम्बरको गाडीले मोटरसाइकललाई ठक्कर दिएको हो ।
टीकपुर–९ झुगामा स्थानीय इन्दलकुमार गोडिया सवार मोटरसाइकललाई उनीहरुले चलाएको गाडीले ठक्कर दिएको हो । घायते गोडियाको अवस्था सामान्य रहेको प्रहरीले जनाएको छ ।
कैलालीका प्रहरी प्रमुख एसपी विश्व अधिकारीले उनीहरुले व्यक्तिगत कामको लागि नेपाल प्रवेश गरेको पर्दाफासलाई बताए । ‘उनीहरुले सादा पोसाकमा व्यक्तिगत कामको लागि नेपाल प्रवशे गरेका थिए । तर, गाडीले मोटरसाइकललाई ठक्कर दिएपछि नियन्त्रणमा लिएपछि सोधपुछ गरिएको छ । घाइतेको उपचार खर्च लगायत कुरा मिलेपछि मात्र छाड्छौं,’ उनले भने ।
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit