अर्थमन्त्री जनार्दन शर्माले एमसीसी परियोजनाको सम्बन्धमा सरकारले राष्ट्रिय सहमती खोज्ने प्रयास गरिरहेको बताएका छन् ।
अर्थ मन्त्रालयमा बिहीवार आयोजित चालु आर्थिक बर्षको बजेटको अर्धवार्षिक समिक्षा मूल्यांकन प्रतिवेदन सार्वजनिक कार्यक्रममा बोल्दै अर्थमन्त्री शर्माले एमसीसी परियोजनाको सम्बन्धमा राजनीतिक दलहरुका बीचमा राष्ट्रिय सहमती खोज्ने प्रयास भइरहेको बताएका हुन् ।
प्रधानमन्त्री शेरबहादुर देउवाले सहमती निर्माण गर्नका लागि प्रयास गरिरहेको उनले उल्लेख गरे ।
अर्थमन्त्री शर्माले भने, ‘एमसीसीको कुरा एउटा परियोजनाको
हिसाबले ऊर्जा क्षेत्रमा, सडक क्षेत्रमा कार्यान्वयन गर्ने भन्ने यहाँहरुलाई थाहा छदैछ । तर यो मुद्दा अलि राजनीतिकृत भएर राजनीतिक पार्टीहरुको बिचमा छलफल भइराखेको छ । र एउटा निष्कर्षतिर लैजानुपर्छ भनेर राजनीतिक पार्टीहरुको बिचमा, दलहरुको बिचमा राष्ट्रिय सहमती निर्माण गर्ने कुरा तिरनै अगाडी बढिरहेको भएको हुनाले सरकारले गरिरहेको प्रयास, प्रधानमन्त्रीज्यूले गरिरहेको प्रयास नै त्यतातिर गइरहेको हुनाले त्यो प्रयास बाट एउटा निष्कर्ष निस्किन्छ भन्ने एउटा विश्वासमा म छु ।’
उनले एमसीसी परियोजनामा राष्ट्रिय सहमती खोज्न गरेको प्रधानमन्त्रीको प्रयासले निष्कर्ष निस्किनेमा आफु विश्वास रहेको समेत बताए ।
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit