कंगोमा विद्रोहीको गोली लागेर शान्ति सेनामा गएका एक नेपाली सैनिक घाइते भएका छन् । उनकाे अवस्था चिन्ताजनक रहेकाे छ ।
प्रमुख सेनानी निखिल कुँवरको कमाण्डमा सञ्चालन भएकाे खोजतलास कारबाहीमा विद्रोहीको अब्जेक्टिभ कब्जा गरी जमिन होल्डपछि विद्रोहीबाट भएको फायरमा मिशनमा कार्यरत शान्ति सैनिक घाइते भएको सैनिक जनसम्पर्क तथा सूचना निर्देशनालयले जनाएको छ ।
संयुक्त राष्ट्रसंघको आह्वानमा शान्ति स्थापनार्थ कंगोमा तैनाथ शान्ति सेनाको पहिलो डफ्फामा कार्यरत एक नेपाली सैनिक घाइते मंगलबार भएका हुन् ।
On 5th April 2022, after clearing the objective on position of hold during operation "BALI", rebels opened fire from undisclosed area and one of the peacekeeper of "NEP QRF" deployed in MONUC Mission, Congo got injured. He is being treated at Bunia UN hospital after heli evac...
— NASpokesperson (@NaSpokesperson) April 5, 2022
नेपाली सेनाका प्रवक्ता सहायक रथी नारायण सिलवालले दिएको जानकारी अनुसार पहिला विद्रोहीको कब्जामा रहेको जमिनलाई उनीहरुबाट छुटाई नेपाली सेना उक्त स्थानमा पुगेको थियो । त्यसै क्रममा अज्ञात स्थलबाट विद्रोहीले चलाएको गोली लागी एकजना घाइते भएका हुन् ।
‘घाइते सैनिकलाई हेलिकप्टरमार्फत उद्धार गरी, बुनियामा रहेको लेबल–२ अस्पतालमा उपचार भइरहेको छ’, पर्दाफाससँग उनले भने । उनका अनुसार घाइतेकाे अवस्था चिन्ताजनक रहेकाे छ ।
अप्रेशन बाली नाम दिइएकाे साे कारवाहीका बाँकी सबै सदस्य सैनिक सुरक्षित रहेको सिलवालले बताए ।
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit