सशस्त्र प्रहरीद्वारा बन्दुक र बारुद बनाउने सामानसहित झापाबाट एक पक्राउ

झापाको मेचीनगर–२ भृकुटीस्थित तितिरी चोक बाहुनडाँगीबाट भृकृटीतर्फ जाँदै गरेको मे १ ह ६०५६ को टेम्पोबाट सशस्त्र प्रहरीको टोलीले भरुवा बन्दुक बनाउन प्रयोग हुने सामानसहित एक जनालाई पक्राउ गरेको छ । 

बाहुनडाँगीमा शुक्रबार टेम्पोको जाँच गर्दा लुकाईछिपाई ल्याएको अवस्थामा भरुवा बन्दुक बनाउने पाइप थान ७, बारुद बनाउन प्रयोग हुने गन्धक जस्ता पदार्थ ३ केजी र बारुद बनाउन प्रयोग हुने भनिएको सोडा जस्तो पदार्थ ५७ केजी फेला परेको भनी सशस्त्र प्रहरी बल नेपाल बोर्ड आउट पोस्ट बाहुन डाँगीले जनाएको छ ।

टेम्पो चालक मेचीनगर–४ आमडाँगी बस्ने २० वर्षीय धनपति भारती र बरामद भएको ासमानवाला धनी तेह्रथुम आठराई गाउँपालिका ५ तेजमान लिम्बूलाई पक्राउ गरिएको सशस्त्र प्रहरीले जनाएको छ ।