भारतीय राजदूतले भेटे प्रधानसेनापति

राजनीतिक सक्रियता र विवाद बढिरहेका बेला भारतीय राजदूत विनयमोहन क्वात्रा सक्रिय भएका छन् । 

उनले बुधबार जंगी अड्डामा प्रधानसेनापति पूर्णचन्द्र थापासँग भेटवार्ता गरेका छन् । सेनाले औपचारिक र शिष्टाचार भेट भनेपनि यसलाई सामान्य मान्न नसकिने जंगी अड्डा स्रोतले जानकारी दियो । प्रधानसेनापति र राजदूत क्वात्राबिच कालापानीका बिषयमा कुराकानी भएको स्रोतको दाबी छ । 

उसका अनुसार कालापानी विवाद समाधान नभए दुई देशबिचको सम्बन्ध बिग्रने र यसको फाइदा छिमेकी चीनलाई हुने दिल्लीको निश्कर्षपछि भारतले नयाँ रणनीति अख्तियार गरेको छ । उसले कालापानीमा पछि हटेर भएपनि नेपाललाई आफ्नै पोल्टामा राखिरहने दाबी स्रोतको छ । 

जंगी अड्डामा यही बिषयमा छलफल भएको हो । 

सेनाले जारी गरेको बिज्ञप्तीमा  प्रधानसेनापति थापा र राजदुत क्वात्रा बीच दुई पक्षीय आपसी हित तथा पारस्परिक सम्बन्धका विषयमा छलफल भएको जनाएको छ  ।

यस किसिमको नियमित भेटवार्ताले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्‍वास नेपाली सेनाले लिएको जनाएको छ ।