सिराहा प्रहरीद्वारा चोरीका दुई मोटरसाइकल बरामद गरी सवारीधनीलाई फिर्ता

जिल्ला प्रहरी कार्यालय सिराहाले चोरी भएका मोटरसाइकल बरामद गरी सवारीधनीलाई बुझाएको छ ।

जिल्लाका प्रहरी उपरीक्षक अर्जुन तिमिल्सिनाले बिहीबार सिराहा नगरपालिका–१७ माडर बस्ने रामकुमार साहलाई उनको हराएको मोटरसाइकल फेला पारी हस्तान्तरण गरेका हुन् ।

यस्तै, केही दिनअघि सिराहा बजारबाट पार्किङ गरिराखिएको प्रदेश २ .००.०२–प ६२३२ नम्बरको कालो रातो रङ्गको १५० सी.सी.को पल्सर मोटरसाइकल हराएको थियो । त्यो मोटरसाइकल सिराहाको संन्हैठाबाट बेवारिसे अवस्थामा फेला पारी प्रहरीले सम्बन्धित सवारी धनी बुझाएको छ । 

एसपी तिमिल्सिनाले सवारीधनी सिराहा–१२ बस्ने हरिप्रसाद साहलाई जिम्मा लगाएका हुन् ।