मोरङमा ८० वर्षीय आफ्नै बुबालाई कुटपिट गरी हत्या गरेको आरोपमा १ जना पक्राउ परेका छन् ।
बेलबारी नगरपालिका–९ डाँगाबजार बस्ने ३५ वर्षीय जय बहादुर खत्रीले आफ्नै बुबा दल बहादुर खत्रीलाई कुटपिट गर्दा मृत्यु भएको हो ।
मादक पदार्थ सेवन गरेका जय बहादुरले घरायसी बिषयमा वादविवाद तथा झै–झगडा हुँदा आफ्नै बुबालाई कुटपिट गर्दा मृत्यु भएको प्रहरीले जनाएको छ ।
उक्त खबर प्राप्त हुनासाथ अस्थायी प्रहरी चौकी डाँगाबजार र ईलाका प्रहरी कार्यालय बेलबारीबाट खटिएको प्रहरीले जयबहादुरलाई बुधबार राति नियन्त्रणमा लिएको थियो ।
यस सम्बन्धमा थप अनुसन्धान गरिरहेको प्रहरी जनाएको छ ।
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit