मुख्य समाचार
धनुषाका कर अधिकृतविरुद्ध घुस लिएको आरोपमा मुद्दा दायर
-
पर्दाफास रिपोर्टर
- असार १०, २०७८
अख्तियार दुरुपयोग अनुसन्धान आयोगले घुस लिएको आरोपमा आन्तरिक राजस्व कार्यालय, जनकपुरधाम धनुषाका कर अधिकृत रमेश ढकालविरुद्ध मुद्दा दायर गरेको छ ।
अख्तियारले ढकालविरुद्ध १ लाख ५० हजार बिगो मागदाबी कायम गरी विशेष अदालतमा बिहीबार मुद्दा दायर गरेको हो ।
ढकालले सेवाग्राहीसँग अन्तशुल्क समायोजनको रकम फिर्ता गर्ने प्रयोजनको लागि घुस मागेका थिए । उनलाई अख्तियारको बर्दिवासबाट खटिई गएको टोलीले १ लाख ५० हजार रुपैयाँ घुस लिएको अवस्थामा नियन्त्रणमा लिएको थियो ।
अनुसन्धानको क्रममा उनले घुस लिएको पुष्टि भएकाले मुद्दा दायर गरेको अख्तियारका प्रवक्ता नारायण प्रसाद रिसालले बताए ।
ढकाललाई भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (घ) बमोजिम सजाय माग गरिएको छ ।
प्रतिक्रिया
सम्बन्धित समाचार
मुख्य समाचार
.jpg)
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit