भारतीय सञ्चारमाध्यमले गलत रिपोर्ट प्रकाशित गरेको भन्दै माल्दिभ्समा आलोचना

माल्दिभ्समा भारतीय सेना नरहेको भनी भारतीय सञ्चारमाध्यम वर्ल्ड इज वन न्युज (डब्ल्यूआईओएन)ले प्रकाशित गरेको रिपोर्ट झूठो रहेको माल्दिभ्सका सञ्चारमाध्यमले जनाएका छन् । 

डब्ल्यूआईओएनले केही दिनअघि उक्त रिपोर्ट प्रसारित गरेको थियो, जसमा माल्दिभ्सको सार्वभौमसत्ता र सार्वजनिक चिन्ताको विरुद्धमा रहेको माल्दिभ्स न्युज नेटवर्कले जनाएको छ । 

तर, माल्दिभ्सकी रक्षामन्त्री मारिया दिदिले ३ नोभेम्बर २०२१ मा भारतीय सेनाको उपस्थिति रहेको पुष्टि गरेकी थिइन् । उनीहरु सशस्त्र नहुने जनाएकी थिइन् । तर, सैन्य सम्झौताका सबै खुलासा भएका ड्राफ्टमा भने यसको विपरीत पाइएको छ । 

रिपोर्टमा माल्दिभ्सको स्वतन्त्रता र सम्प्रभुतामाथि अहिले चिन्ताको पछाडि चीनको हाथ छ । डब्ल्यूआईओएनले माल्दिभ्समा भारतीय सेनाविरुद्धमा भइरहेको आन्दोलन पनि भारतीय प्रवासीलाई हटाउनन भइरहेको जनाएको छ, जुन झूठो रहेको माल्दिभ्स न्युज नेटवर्कले जनाएको छ । 

माल्दिभ्समा एक दशकअघि भारतले राष्ट्रिय रक्षा बललाई हेलिकोप्टर सहयोग गरेको थियो । साथै हेलिकोप्टर सञ्चालनका लागि प्रशिक्षण दिने भन्दै केही भारतीय सेनालाई पठाएको थियो । 

तर, भारतले हालसम्म प्रशिक्षण नदिएको, हेलिकोप्टर हस्तान्तरण गर्न पनि अस्वीकार गरेको र अनुमतिविना आफैले सञ्चालन गरेको माल्दिभ्सका सञ्चारमाध्यमले जनाएका छन् । 

डब्ल्यूआईओएन एस्सेल समूहको हिस्सा रहेको समाचार संस्था हो, जो पछि जी मिडिया ग्रूपमा जोडियो । जी मिडियाको स्वामित्व भारतीय अर्बपति सुभाषचन्द गोयन्कासँग छ, जो भाजपाका सांसद हुन् ।