प्रधानमन्त्री केपी शर्मा ओलीले बेलायती समकक्षी बोरिस जोन्सन कोभिड–१९ महामारीविरुद्ध खोप सहायता उपलब्ध गराउन आग्रह गरेका छन् ।
बीबीसीलाई दिएको अन्तर्वार्तामा प्रधानमन्त्री ओलीले नेपाली गोर्खाली सैनिकले बेलायतका लागि दिएको महत्वलाई स्मरण गराउँदै बेलायतले नेपाललाई खोपका लागि प्राथमिकतामा राख्नुपर्ने धारणाा राखेका छन् ।
'बेलायत नेपालको सदियौं पुरानो मित्र राष्ट्र हो । पुरानो मित्र भएको नाताले पनि मैले सिधै आग्रह गरेको हुँ,' ओलीले भनेका छन्, 'आफ्नो ज्यानलाई जोखिममा राख्दै गोर्खालीले
बेलायतको सेवा गरिरहेका छन् । अहिले विपदको बेला बेलायतले सहायता दिने आशा राखेको छु ।'
खोपलाई नाफाका लागि प्रयोग गर्न नहुने प्रधानमन्त्रीले बताएका छन् । खोप मानवजातीको हितका लागि प्रयोग हुनुपर्नेमा उनले जोड दिएका छन् ।
बीबीसीका अनुसार बेलायती विदेश मन्त्रालयका प्रवक्ताले कोभ्याक्स संयन्त्रलाई ५४८ मिलियन पाउन्ड सहयोग गरेको र नेपालले त्यहीअन्तर्गत खोप सहायता प्राप्त गर्ने बताएका छन् ।
यो वर्षभित्र नेपालले खोप प्राप्त गर्ने बेलायती विदेश मन्त्रालयका प्रवक्ताको भनाई छ ।
डेपरेजले ईयुले नेपालमा जलवायु परिवर्तन र अन्य क्षेत्रहरुमा थप सहयोग पुर्याउन चाहेको स्मरण गराइन । उनले विगतदेखि हुँदै आएको सहयोग निरन्तरता दिने प्रतिवद्धता समेत ब्यक्त...
नेपालमा राजनीतिक खिचातानी र सत्तारुढ दलबिच चलिरहेको जुहारीका बिच दिल्लीका दूतको भ्रमण औपचारिक भएपनि विदेश सचिव श्रृंगलाले नेपालमा रहँदा प्रतिपक्षी सबै दलका नेतासँग आलोपाल...
© न्युज सोसाइटी प्रा.लि.मा सर्वाधिकार सुरक्षित- 2022,
Powered by: Nectar Digit