प्रधानसेनापति शर्माद्वारा कालीबहादुर गणको निरीक्षण 

प्रधानसेनापति प्रभुराम शर्माद्वारा आज चितवन जिल्लामा तैनाथ कालीबहादुर गणको निरीक्षण गरेका छन् ।

उक्त भ्रमण कार्यक्रममा उनले काली बहादुर गणको वस्तुस्थिति प्रतिवेदनका बारेमा जानकारी लिएका थिए । साथै उनले फौज तैनाथीको वर्तमान अवस्थाका बारेमा पनि बुझेको सैनिक जनसम्पर्क तथा सूचना निर्देशनालयले जनाएको छ । 

निर्देशनालयका अनुसार उनले सैनिक ब्यारेकभित्र निरीक्षण गर्नुका साथै सकलदर्जालाई सम्बोधन पनि गरेका थिए ।